Banda de Arca

A Banda de Música de Arca convídate unha vez máis ao tradicional Concerto de Nadal. Ao igual que o ano pasado, o concerto enmárcase nunha iniciativa xurdida no Concello: «Nadal Musical Benéfico: Unha nota, unha ilusión». Coa colaboración dos Servicios Sociais do Concello e Cáritas Interparroquial recolleranse alimentos non perecedoiros, que se farán chegar ás familias do Concello que máis os precisen. Toda axuda que poidades prestar será benvida.

O concerto terá lugar o día 27 de decembro ás 20h na Casa da Cultura de Arca (O Pino). Este ano agárdanche moitas sorpresas… Ven a celebrar o remate do ano con nós!

Dende a Banda de Arca desexámosche unhas moi boas festas e unha mellor entrada no vindeiro ano.

Como xa anunciamos hai dúas semanas, a Banda Escola de Música de Rianxo acompañaranos no Ciclo de Bandas que estamos a celebrar polo noso 150 aniversario. Esta agrupación provén do concello coruñés de Rianxo. A pesares de ser unha agrupación recente (ano 2003) non por iso son menores os seus éxitos, entre os que podemos citar, por exemplo, os primeiros premios nos anos 2008 e 2009 nas Seccións 3ª e 2ª respectivamente do Certame Galego de Bandas de Música Populares. Queremos darlle as gracias por desprazarse ata Arca e acompañarnos. Non queremos tampouco deixar pasar a ocasión de agradecer á Banda Municipal de Música de Betanzos, que nos acompañou o pasado 25 de outubro, por achegarnos o seu bo facer.

A Banda Escola de Música de Rianxo actuará o vindeiro domingo 9 de novembro, ás 19.30h, no Centro Sociocultural Luís Seoane de Arca (O Pino). Non faltes!

Dentro das actividades programadas para este ano 2014, no que celebramos o 150 aniversario da Banda de Música de Arca, incluímos un ciclo de concertos no que bandas doutras rexións compartían o bo facer con nós.

A Banda Municipal de Música de Betanzos tomará o relevo da Banda de Música de Sober, que nos acompañou no pasado mes de abril. Esta banda foi fundada en 1852 no coruñés concello de Betanzos. Tras unha paréntese a mediados do século pasado, reiniciou a súa traxectoria en 1991, realizando desde entón unha gran labor tanto musical como didáctica. Tivemos o pracer de compartir con eles escenario en varias ocasións, convidándonos incluso á súa terra natal. Queremos darlle o noso máis sincero agradecemento por elo e por acompañarnos nos actos do noso 150 aniversario.

Esta agrupación actuará o vindeiro sábado 25 de outubro, ás 20.30h, no Centro Sociocultural Luís Seoane de Arca (O Pino). Ademais e como podedes ver no cartel, a Banda Escola de Música de Rianxo tamén participará neste ciclo de bandas. Estamos convencidos que estas actuacións poñerán o listón moi alto. Contamos contigo!

Como xa sabes, a Banda de Arca celebra o seu 150 aniversario. Pero isto non quere dicir que nos ancoremos no pasado, senón que nos apoiamos no traballo de ducias de xeracións anteriores para aportar novas propostas e continuar co seu legado. Por iso, nesta ocasión traémosche a seguinte proposta: o Arca Rock Festival 2014. Neste concerto especial interpretaremos algúns dos éxitos máis recoñecidos de bandas e grupos de rock dos 80s e 90s. Unha proposta diferente que non deixará indiferente a ninguén.

O Arca Rock Festival terá lugar o próximo sábado 4 de outubro, ás 21:30h, no Centro Sociocultural «Luís Seoane» de Arca (O Pino). A entrada, como de costume, é libre. Contamos coa túa presencia. Temos preparadas varias sorpresas e unha impresionante posta en escena. Faremos noso o dito de que «os vellos rockeiros nunca morren«.